小強也阻不了IT型男食同一家腸粉店30多年

FB Post_30280112-1.png

對我來說
最特別的食店
就是深水埗桂林街的一間腸粉店#合益泰小食
相信都有很多人講過這家店
也有好多傳媒訪問過
我路過店舖的時候
很多時都見到門前有人排隊

我細細個就住在鴨寮街
住了差不多30年
從幾歲開始就幫襯合益泰
肥仔老闆開始經營的時候
只是推車仔
一直都在那個位置擺檔
後來搬了入舖頭
也是在那個area

每朝早
我都和哥哥一起落街買腸粉做早餐
那時賣三蚊四條
最特別的的地方就是個腸粉
平時在其他地方食豬腸粉
那些腸粉會黐埋一舊
黐得非常緊要
但#合益泰的腸粉是完整一條條分開的
總之好有口感

我一直都幫襯肥仔老闆
就算現在已搬離深水埗
每次返去深水埗
我總會去食一次
現在的味道跟以前的味道
都沒很大分別
都是很「正」的
那些腸粉好似十年如一日
質感好好
就算去酒樓食
那些蝦米腸都會一餅野咁
咬落去好黐
但#合益泰的腸粉
是一舊一舊
好solid的感覺
我不知道怎樣用文字好好去形容那個質感
你要試完一次才會明白
這間店到今時今日
仍能夠保持水準
我覺得很ok

腸粉味道不變
醬汁其實來來去去都是甜醬、麻醬再加芝麻
唯獨對我最大的分別是價錢不斷上升
由三蚊四條開始食
食到最後十蚊四條
而且現在賣多很多東西
有魚蛋
又有其他小食
不過,我只會買腸粉食
我有時經過
見到肥仔老闆
他仍然有自己落手落腳做
他見到我都會給我一些優惠
人家十蚊得四條
我就十蚊有六七條

這店的衛生其實很Q差
所以我一定是買外賣
不會坐在店舖食
因為我覺得那些碟不太乾淨
我試過第一年出來工作
買腸粉回公司食
打開個袋的時候
見到有兩隻曱甴
都好恐怖
但我仍然有繼續幫襯
因為我都明白
小食店的東西就是那麼污糟邋遢㗎啦
只是食唔食得死人咁解啫
我都仲未食死
就繼續幫襯
真係好食嘅
肥仔老闆的腸粉真是好好味

#EatersInHK @合益泰小食