登入
讀者食評
第 71 至 80 個
讀者食評
| 金田日本料理 元朗金田日本料理 ~ 擺明搵笨實 今日滿心歡喜同HONEY慶祝生日, 一行7人(我, HONEY, 仔, 女, 二妹, 妹夫同姨甥)食左12XX, |
|
|
| 串爆酸辣粉 good |
|
|
| 串爆酸辣粉 good |
|
|
| 鴻星海鮮酒家 松葉蟹腳4人餐 依家好多酒樓都推全包宴，明碼實價乜都包晒，無咁多巧立名目嘅收費，雖然感覺都係羊毛出在羊身上，但感覺好D，因為清楚知道埋單要幾多，又唔怕被人篤多咗！另一個推銷手法，就係將D餐原價托高D，然後又打個大折頭平咗好多好多，確係幾吸引人，令人覺得好抵！今次趁老婆生日，捉埋姨仔、舅仔試鴻星個松葉蟹腳四人套餐，上述兩個因素都係個推動力，但睇番個餐，5道菜：有翅、有帶子、又有重點冠名嘅炸松葉蟹腳、同埋原隻鮑魚，加個飯連糖水，折咗全包實價為$585，除勻每人$146，依個價本身都真係食得過。 依間鴻星位處晌荔枝角工廠區，所以，就算今晚係星期日晚，頂多都係8乘左右滿，枱凳唔逼，又唔太嘈！D裝修都幾好架，吊晒水晶燈，D柱身有晒裝飾，因為佢個場都有預哩俾人擺酒席，所以會裝修得堂皇D。侍應招呼都勤快，可能係大集團式嘅紀律教育。 燕窩冬茸燴生翅 – 先哩個翅，但個樣似湯羹，不過味道唔錯，湯頭幾濃，燕窩就唔係好覺，不過翅就有幾梳，但唔係好大嘅，一碗碗上，唔夠喉都無得添！ 川椒雞帶子 – 啱我，因為係輕辣版，川椒惹味，而雞件無咩特別，係帶子幾有睇頭，頗為厚肉又爽口，小菜份量都叫夠食，但D量就下下計住計住，4人餐所以依個餸都係得4隻帶子！ 百花炸釀松葉蟹腳 – 唔使講，都係得4隻松葉蟹腳架喇！比一般擺酒食嘅炸蟹拑長形大件少少，既為主打菜，水準確係唔錯，新鮮熱辣，蝦膠彈牙，食到裡面啖啖蟹肉，真係無欺場，如果上枱時加番少少蔬果伴碟出哩個賣相差好遠，咁先色香味全丫嘛。 原隻鮑魚花菇 - 鮑魚又係1人1隻，每隻大概1吋半長、1吋闊左右，咬落都叫啖啖肉，最緊要扣得軟腍得哩有D煙韌，仲少少啜刀添,，獻汁亦香濃，連帶D花菇都好入味。 脆皮烤野鴨 – 有D令人O晒咀，諗住叫得烤野鴨，就算比半隻都唔細得去邊，點知，哩到一睇又真係好細隻，細隻到無幻想過嘅咁細，再問清楚經理係咪已經係成隻鴨，佢答話係，依隻係BB鴨，不過就真係細得好可憐！細隻之外，慘在連賣相都扣晒分，幸好外皮都烤得香脆，味道就中規中矩。 飄香荷葉飯 – 食咗之前5道菜，都有7-8乘飽，依家加埋個荷葉飯，個餐就一定食得飽喇。個飯底炒得飯粒分明，材料唔多，但有淡淡荷葉香，可惜稍微飯粒有點點乾身。 麻沙糍 + 紅豆沙 – 最後嘅甜品組合，麻沙糍即係擂沙湯圓芝麻外皮版，超正喎，麻蓉類嘅甜品不嬲都啱咀形，仲要裡面嘅麻蓉流沙做得唔太甜而滑溜，加多層炒香舂碎嘅芝麻粒粒，無得頂呀！要彈係每人只得一粒，真小家！ |
garycwm | |
| 潮樓 收費無添加 記得6、7年前第一次幫襯銅鑼灣潮樓，貪佢免茶芥加一，最鍾意揀去北京道一號個間，因為有16:9維港景附送，可惜執埋！一大棚F.1舊同學，畢業後成20未見過，有心人決定搞局，最後連埋F.1老師，都砌到一圍11人，今次揀哩潮樓，又係貪佢唔收茶芥加一囉，慳咗一截，可以叫多個餸嘛！經歷咗咁多年，真可惜，免茶芥加一哩個做汰晌中式酒樓都成唔到潮流！ 11個人就人頭餸，叫咗11個，加埋信用卡推廣送嘅甜品，埋單都係$850，每人$77，雖然自覺潮樓出品質素唔係好高，屬潮食初階，平實無奇，又加咗好些非潮菜，仲賣埋點心添，但味道唔會好差，水準算穩定,。正如所叫嘅11個餸雖則都係大路嘢：海蜇手撕雞、青瓜伴牛展、鹵水拼盤、鹵水鵝片、金華四寶蔬、竹笙鮮菌玉子豆腐、粒粒梅膏骨、大眼雞、潮式煎蠔酪、糖醋煎麵、方魚肉碎粥，但大路得哩又見平穩，無話邊道菜難食，簡評幾個菜式： 鹵水鵝片 - 鹵水未致陳香醇厚，但嗒落唔嗆喉，鵝片唔嚡口。 方魚肉碎粥 – 足料無慳皮，鹹味啱啱好，米粒爆花不綿，基本潮州粥個樣。 潮式煎蠔酪 – 蠔粒唔大，但落得唔輕手，蛋皮薄薄，似飲早茶個D「薄罉」，食完碟面無剩油。 好老實，要俾個笑真係好難，但睇番舊同學帶哩嘅陳年大合照，玩咪人物競猜誰是我，餐飯大家就俾咗好多個笑出哩！打個轉，就過咗兩個十年！ |
garycwm | |
| 媽子廚房 唔似食屋企飯
媽子廚房比較遠離荃灣市中心，又唔近D大商場，走到哩幫襯都係姨仔介紹。睇個名，你都估到佢係打正旗號煮住家菜：老火靚湯、住家小炒、少鹽少油、唔落味精，相信都會健康D嘅，所以，即管試吓「媽子」手勢！ 餐廳佔用咗兩個鋪位，中間一道拱門連系兩邊鋪，不過，適逢今日星期日晚，近乎爆棚，佢哋嘅凳係一D矮身嘅梳化凳，坐得都幾舒服，但係就好「呀咋」，加上D枱又排得幾密吓，所以你會覺得好逼，好似我哋坐晌埋角嘅一枱，出入都要隔離枱食客俾條「生路」哩行，好唔方便吓！牆身用紅土磚，其實感覺幾好，有種農家鄉土味，但又唔知點解個天花又用咗青綠色，紅紅綠綠，小弟就覺得唔多襯；再者，用晒一系列公雞匙羹、飯碗、茶杯，就唔好用個膠碟哩墊茶杯，嘥咗一番心思。唔知係咪人多，招呼服務未見好好，不過不失咁啦！ 四個人叫咗四道菜，小食揀咗勁蒜脆皮鹹豬手，小炒要西蘭花花枝珊瑚蚌，再加多兩個麵：芝士大蝦乾燒伊麵同懷舊牛腩炒麵，最後甜品試咗個水蜜桃奶凍！ 勁蒜脆皮鹹豬手 – 哩個小食無乜特別，將鹹豬手拎去炸，跟住灑D炸香嘅蒜粒就上枱。首先，算唔上勁蒜，D蒜粒都唔係好多，再者，鹹豬手食唔出咩蒜味，蒜味同鹹豬手根本就貌合神離，哩一幫佢講句好話咪就係一籃都有幾多件，而且唔油淋淋囉！ 西蘭花花枝珊瑚蚌 – 依個就幾有水準，三樣食材都炒得夠口喉，西蘭花仲係爽脆得哩唔硬，花枝片炒得唔老身，而珊瑚蚌同樣脆口唔韌，配少少燈籠椒，賣相都靚D！ 芝士大蝦乾燒伊麵 – 都唔係好得，話雖乾燒伊麵，但似就咁煮熟個伊麵哩墊底，D麵本身無乜味，而煎好幾隻大蝦放上面，淋個芝士汁就當大功告成，總算D蝦唔錯，雖唔算好彈牙，但都叫新鮮有蝦鮮味。 懷舊牛腩炒麵 – 其實個炒麵幾好食，無論牛腩、炒麵都做得好，牛腩又腍又入味，炒麵炒得邊脆又唔油，係唔鍾意佢獻汁咁重手，好似倒瀉膠水咁啫！ 水蜜桃奶凍 – 對於鍾意食甜品嘅我依個奶凍真係唔多掂，似布甸多過似奶凍，因為蛋味重過牛奶味，又無咗個種縝密得哩柔滑嘅質感，加埋罐頭水蜜桃粒，就當係水蜜桃奶凍。 埋單$280，除番開每人都係$70，都算幾實惠。不過味道唔算好突出，更唔可以話係咩住家小炒，只係搵D賣點嘅街坊小菜館。所以，依餐點都唔似食緊屋企飯！
|
garycwm | |
| Subway subway 包同沙律都好味 subway d 包係做得幾好, 沙律都可以試下, 我覺得都okay~ |
moshno | |
| The StoneGrill 火辣動感石燒初體驗
以前經過石燒，晏晝還是夜晚都好，都唔太多客人，因為依度一餐飯價錢唔平，但近年經過，就好唔同，多咗好多客，除經濟好番之外，做緊嘅Citibank推廣套餐功不可抹，加埋一都係百鬆少少就有一個石燒午餐，真係好吸引，尤其好似我哋依類唔係吓吓食得起貴嘢嘅人，咁著數更係唔放過哩D難得嘅機會啦！加上係石燒，啱晒我貪新鮮，又貪便宜嘅港人心態，哈哈！ 先哩一小籃意大利香草包，唔係好夠暖，但非常鬆軟，幽幽香草味，配埋個西蘭花忌廉湯，幾OK喎，湯唔算滑溜，但西蘭花味夠濃！ 主菜係石燒美國上等牛肩扒，兩件牛肩扒放晌塊火辣辣嘅石板，「滋滋」聲咁晌，甚有動感。石燒好玩在你想七成熟又得，五成熟都得，得咗！不過，個侍應教咗點燒，到自己試吓嘅時候，又唔係咁得心應手，最弊係D肉一開始已放咗晌石板度，無其他地方可放，所以，點都有一部份位置一路燒住，唔可以慢慢燒慢慢嘆，要諗吓計改善！除非佢哋係想D客快手快腳食完件扒啦！講番件扒，我就鍾意生D，所以切成一粒粒，「辣」均六面再燒多陣，就醮D黑椒汁哩食，真係幾軟腍，幾有肉味，間場又可以燒少少配菜食！不過好得意，個餐包飲品，但又會有一小杯橙汁俾你，無問用意何在，但食住件扒，飲吓杯鮮橙汁，感覺上好似減低咗食扒個種油膩感。 臨尾，到甜品時間，係Haagen-Dazs雲喱拿雪糕（可惜味道係無得揀），賣相有D麻麻，一來個雪糕球頗細，但又配隻好大嘅碟，唔多襯；其次，哩到有D溶溶哋。咖啡就好香濃，帶少許酸，為哩餐晏仔作個好結局！ 雖然以前未幫襯過，依次係第一次，個信用卡套餐又平咗好多，但覺得無論服務同食物質素都無話打咗折，一樣咁好！因為主菜上枱時，除咗叫我哋留心塊石板好熱之外，亦簡單講解燒幾耐就有幾多成熟嘅效果，依兩樣嘢都預咗佢應該要做嘅服務。我哋三個人俾一籃得四片嘅香草包，所以就問可唔可以要多 |
garycwm | |
| 仁寶小館 很不幸，我入了一家黑店 一家三口本想於隔鄰「阿鴻小吃」晚飯，但由於輪候食客眾多，才轉到從未光顧過的「仁寶」一試，但恐怕亦是最後一次！
門外貼上很多雜誌廣告，推介不同菜式，當中有介紹到椒鹽瀨尿蝦，並寫到「三大隻，才＄180」，我當然知道海鮮是時價，所以也有留意該廣告當其時為＄11兩。
進去叫了其他菜式後，再問問瀨尿蝦時價為＄12兩，便二話不說叫了兩隻。良久，一店員用透明膠袋盛著兩隻大概每隻5-6兩的瀨尿蝦經過(外母覺得只有大概4兩)，問我們有否問題。我們見細細隻，就覺得沒問題，店員就直接拿進廚房，沒有在我們面前秤，稍後也沒有報價。太太也有提過我，要否問一問有幾重。由於一個「信」字，便沒有追問店員。
點了的菜式陸續送上，我們之前要求將每隻瀨尿蝦開三上碟，碟頭是頗大的，但伴碟的甘荀絲和堆在尿蝦上的椒鹽才是最多。先講味道，一個字形容「鹹」。至於尿蝦大細，之前已有預算，所以不太出奇。心想，總之開二便算了，蝦頭幾乎沒肉可吃。
單來了，亦嚇傻了:o，盛惠＄608。其中，椒鹽瀨尿蝦標價為$348，大家都非常愕然，再問問重量，收銀斬釘截鐵說那兩隻尿蝦有斤半，:o斤半！？由於太突然，自己又有不小心之處，在只有口同鼻拗的情況下，我只有硬着頭皮付款~
外母有幾十年買餸經驗，她怎會看不出那兩隻蝦大概有幾重，說1斤還可接受，斤半的話，食水實在太深，但由於自己不小心，就當買個教訓吧。
回家再計一計，＄12兩，就算真的算我斤半(24兩)，也就是＄288吧，何來＄348呢！？
我
本人點的其他菜式: 1. 炸豬手 (＄ 78) 2. 雜菜煲 (＄ 58) 3. 柑桔蠔 (＄120)
|
wingsze54 | |
| 京香餃 樸實無華
好評甚多嘅京香餃，對她自有一定嘅期望！小館子，樸實裝修，雖未至於有種身處北方味道，但倒有幾分北方人嘅閒逸氣氛，可能晌依度搵食嘅人唔係個D匆匆忙忙嘅上班族，無話上衝下撞嘅感覺，食客多是附近街坊、一D公公婆婆、媽媽帶著小孩嘅幾口子、或是操著普通話嘅大學生！ 要咗3款小食：北京羊肉水餃、生煎鍋貼、山東大包。以餃為店名，當然源於老闆對自家出品嘅餃子甚有信心，所以一定要試試；另外，叫鍋貼係想睇睇老闆嘅煎功又係點；至於山東大包，都係慕名而哩，一睹依個大包有幾厲害。 北京羊肉水餃 - 餃子皮屬於厚皮，但厚薄均勻，通常上邊嘅摺位都比較厚，令人咬落一舊粉咁，但佢D摺位一樣厚薄均勻，無話厚咗，估計老闆手勢在搓皮時將邊位再壓薄少少，咁對摺包餡後上面嘅摺位就變得厚薄均勻。餃內嘅羊肉味濃但微羶，食落唔肥，相信羊肉去咗D肥膏，除減低羶味，亦令D餡料無咁肥。 生煎鍋貼 - 雖然無太大驚喜，但一樣食到底脆肉鮮嘅鍋貼，同樣餡內豬肉唔太肥，更重要一點係煎好嘅鍋貼唔油膩丫嘛！ 山東大包 - 果然夠晒大，差唔多兩隻手掌大，仲好多餡料添，大概有粉絲、木耳、腐皮、菜芽、豬肉碎，不過又唔係話好食度「氹」一聲，但味道適中，包身鬆軟，唔會話太多料壓住包底有上鬆下實嘅情況，見識見識不妨一試！
|
garycwm | |
